رئيس مجلس الادارةمنى يحياوي
رئيس التحريرمنتهى بطرس
أخر الاخبار

بر الوالدين -الشاعر / احمد النجدى


جمعتكم معطره ب بر الوالدين

اخرتها وياك ايه
يااللى مخاصم ابوك
طب قولى تعمل ايه 
لو جم ف يوم عزوك
قوم روحله بوس رجليه
ويروح وياك اخوك
دااللى ستر عورتك
لما زمان طاهروك

عاش عمره فى محبتك
كان فى الكرم ايه
وعشان يشوف خطوتك
جاب احلى مشايه

فى العيد يجيب جزمتك
لو جزمته يسيبها
ويجيب هدوم حضرتك
وهدومه ما يجيبها

عاش عمره كله ف تعب
لجل الشجر يطرح
حبك فى قلبه انكتب
يعرق عشان تفرح

لو مش معاه يستلف
بس انت تتعلم
لو قلت اه توجعه
يتعب مايتكلم

علشان جوازك مشى
فضالك الشقه
قوم روحله ياللا اختشى
قول للشيطان لأه

بكره الزمان يسرقك
والكل راح ينسى
وتنادى مين يلحقك
وابنك كمان يقسى

الشاعر / احمد النجدى
مصر

Facebook Comments

  •  
    342
    Shares
  • 342
  •  
  •  
  •  
  •  
  •  
  •  
  •  
  •  
  •  

شارك برأيك وأضف تعليق

2018 ©
%d مدونون معجبون بهذه: