رئيس مجلس الادارةمنى يحياوي
رئيس التحريرمنتهى بطرس
أخر الاخبار

غيّر وطنك – للشاعر المصري – سيد منيرعطيه


إيّاك تبكي ..
على إنسان بالدم شريته
جه بتراب الأرض وباعك
على فنان تمثيل حبّيتُه
متخصص دايما ف خداعك
لم يا قلبي بسرعه متاعك
أخرج بره الوطن الحالف
يشرب دايما مطر الزيف
اللي ماعادش ربيع بيزوره
كل فصوله خريف ف خريف
إوعى تحن وتبقى ضعيف
غيّر جلدك
غيّر وطنك
حتى ان شالله تغيّر دمّك
إنما إوعى يا قلبي تسامح
إنسان خدعك
وايّاك ترجع تفتح حُضنك
مهما تشوفه بيبكي دموع
سيبُه ينادي
يهاتي
يعافر
واوعى يا قلبي الصوت الغادر
يبقى ف يوم عندك مسموع
غيّر دمك
وما تسمحش لحد يقرّب
من شرايينك
دين الغدر ما هوّاش دينك
إحلف إنّك مش ح تسامح
مهما ح يجرى وبر يمينك
لو ح تسامح لحظه يا قلبي
قاضي العقل أكيد ح يدينك
مد يمينك
إمسح بيها الحُزن ف وشّك
وامسح بيها الدمع ف عينك
أمّا العمر الضايع منّك
إياك تندم لحظه عليه
جايلك عمر جديد بعديه
عيشُه بقلبك
واختار نجمه جديده تدلك
لكن قبل دا كُلُّه يا قلبي
غيّر وطنك
وايّاك تبكي
سيد منيرعطيه
عضو اتحاد كتاب مصر
من ديوان كرباج عذاب

Facebook Comments

  •  
    354
    Shares
  • 354
  •  
  •  
  •  
  •  
  •  
  •  
  •  
  •  
  •  

شارك برأيك وأضف تعليق

2018 ©
%d مدونون معجبون بهذه: