رئيس مجلس الادارةمنى يحياوي
رئيس التحريرمنتهى بطرس
أخر الاخبار

قرار!احترم ذاتك…بقلم الشاعر/ايمن أبو الدنيا

  • ثقافة
  • 30 أبريل 2018
  • 88 مشاهدة

قرار
…….

احترم ذاتك
وخد احسن قرار
قول لنور الصبح يطلع
بكفياك عايش فى نار
حيره اخرتها انهيار
كفه مايله وحكم جاير
ظلم دايم ليل نهار
احترم ذاتك وخد
أحسن قرار
قالوا إن العلم نور
نور يعدى بيك بحور
ينشلك لو يوم غرقت
يرفعك أعلى مقام
عشت عمرى كله
عاشق للكتاب
والكتاب دايما مثالى
كلمته ليها حساب
كل ما اتذاكر حتجنى
علم حلم فنون آداب
وبجهودك تبنى مجدك
يتفتح لك ألف باب
قمت انا بعزم وهمه
يخلص كتاب ابدأ كتاب
لما نور الصبح شقشق
بعد فجره ما طال وغاب
قلت ياالله
مد ايدك خد مكانك
جه بقى وقت الحساب
شفت ناس من غير ضمير
فى المناصب والحرير
شفت ناس غيرهم كتير
حلمهم هين مرير
شفت حلم المستحيل
شفت فى الواقع حاجات
تحزن القلب العليل
شفت خسه ونداله
والنفاق باعه طويل
شفت ف الدنيا عجايب
شفت دنيا غريبه ترفع
كل عايب
والأصيل فيها يعانى
هم غلب وقهر زايد
شفت ظلم لناس اصليه
شفت اندال ليها قيمه
فين بقى الدنيا الكريمه
والعداله والميزان
يوزن الكلمة النبيلة
قمت راجع تانى أسأل
هى فين اصل الحقيقه
لما هى الدنيا لعبه
فهلوه وحبة شطاره
ليه ضحكتوا علينا ليه
عشنا طول العمر نحلم
بالعداله
كل واحد بهمته
يحدد مصيره
وبكفاحه يجنى خيره
لكن الواقع يا صاحبى
غير كده
م البدايه للنهايه
كدبه عشنا فيها عمر
وانتهت بهموم وقهر
لكن ان جيت للحقيقه
لو رجع بينا الزمان
وانسألنا بامتحان
تقبل إنك تعيش ملك
وأنت منافق أو جبان
ولا تفضل طول حياتك
إنسان على الهامش فقير
صاحب ضمير صاحى
لكن همك كبير
صاحب مبادئ عندك مروءة
لكن حظك ف الدنيا قليل
لو رجع بيا الزمان
وأنسألت نفس السؤال
هتكون اجابتى كلمتين
الصبر علمنى بأن الخير
بيطرح خير
وان كنا ف الدنيا انظلمنا
زينا فى ناس كتير
المهم انك تعيش
ف الدنيا ياصاحبى
إنسان أصيل
جايز تعيش عمرك
فقير
لكن كفايه إنك نبيل
……………
ايمن أبو الدنيا

Facebook Comments

  •  
    358
    Shares
  • 358
  •  
  •  
  •  
  •  
  •  
  •  
  •  
  •  
  •  

شارك برأيك وأضف تعليق

2018 ©
%d مدونون معجبون بهذه: