رئيس مجلس الادارةمنى يحياوي
رئيس التحريرمنتهى بطرس
أخر الاخبار

نص يوم – للشاعر المصرى – سيد منيرعطيه


علشان نسيت اتخصم
من عرقي نص اليوم
مع إنّي شاطر قوي
وف بحر شغلي ب اعوم
لكن نصيبي كده
بعد الشقا والكد
تعبي الكبير يتهد
وسمايا تبقى غيوم
***
يا باشا لأ مش كده
والله حتى حرام
دي الدنيا متنكّده
ومسوّده الأيام
أنا ممكن أكل طوب
بس العيال مساكين
وكفايه كل يومين
متحزّمين بحزام
***
يا اهل المروءه عيب
نسياني مش بالإيد
خلّيتوا شعري يشيب
و ف بدني نار بتقيد
دمي اتحرق للوطن
بدني اتنحل م القهر
والخصم أخر الشهر
على سهو ف المواعيد
سيد منير عطيه
عضو اتحاد كتاب مصر

Facebook Comments

  •  
    329
    Shares
  • 329
  •  
  •  
  •  
  •  
  •  
  •  
  •  
  •  
  •  

شارك برأيك وأضف تعليق

2018 ©
%d مدونون معجبون بهذه: