رئيس مجلس الادارةمنى يحياوي
رئيس التحريرمنتهى بطرس
أخر الاخبار

وكان نِفسي-للشاعر المصري – سيد منيرعطيه


وكان نفسي ..
أعيش عصر الخليفه هارون
وأتمشّى ف قصور بغداد
واشم عبير نسيم دجله
وكان نفسي ..
أشوف راية صلاح الدين
تقول بكره اللي جي أحلا
وكان نفسي ..
أكون كما طير فرد جناحين
وطاير ف الوطن رحله
مافيش بوّابه تحجزني
ولا مانع
ولا تصاريح
أروح مطرح ما تمشي الريح
وكل الأرض دي ملكي
هنا أهلي
هناك أهلي
ولمّا الكعبه تندهلي
أروح صاحب مكان
مش ضيف
أشوف وطني ربيع دايم
ما يستقبلش أي خريف
ما اشوفش ف أي حاره فقير
ما اشوفش ف أي ركن ضعيف
ما اشوفش عجوز مالوش مأوي
ونايم جنب أي رصيف
ولا أحرار ورا القضبان
وصوت مكتوم من التخويف
وكان نفسي الهموم تبقى
يادوب فايته سحابة صيف
ما اشوفش الدم تحت السيف
ما بين أخين
ما يبقاش دمّنا واحد
ودايما مقسومين اتنين
ما بين مشرق وبين مغرب
ودم الأمه بين نهرين
منايا الرايه تتوحّد
كما كانت ف يوم حطّين
يا وطن الكعبه والحرمين
منايا اتمشّى ف رحابك
ما اشوفش الدم ف فلسطين
سيد منيرعطيه
عضو اتحاد كتاب مصر
من ديوان (دقي يا مزيكا)

Facebook Comments

  •  
    354
    Shares
  • 354
  •  
  •  
  •  
  •  
  •  
  •  
  •  
  •  
  •  

شارك برأيك وأضف تعليق

2018 ©
%d مدونون معجبون بهذه: